نجيب سبارس بيهزر
نجيب سبارس بيهزر
نجيب سبارس بيهزر
ع اللحية يضحك ويكركر
حط النقاب على راس ميمي
واللحية برده على ميكي
شربات وسكر يا خواتي
عين أمه أهبل شكلاتي
طب ايه بقى رأيك لما
نديك هزار منا ولما
نقاطع الشبكة بتاعتك
اقعد بقى عد خسارتك
واحنا كمان بقى هنهزر
معاك ونضحك ونكركر
واحد سابرس يا معلم
كروهات وساده ومقلم
على كل لون بقى يا بطسطى
وصلحه اوي كده يا اسطى
ارمي الشريحة وكسرها
واوعاك لثانية تأخرها
انصر يا مسلم دين الله
دي اللحية سمت رسول الله
أما النقاب فده لبس أمي
زوجة النبي روحي ودمي
ييجي المدهول على عينه
يخرب مطنه وسنينه
يسخر ويتريق بيها
طب خد هزار بقى واديها
عامل لي راجل ومدقدق
يومك مطين ومزرق
لم العزال واطلع برة
مش راح نفوتها المرة
اشرب نتيجة حركاتك
واحرمنا بقى من شركاتك
العب بعيد عنا يا نجنج
ولم نفسك يا مفرنج
فينك يا اعلام علماني
يا مستنير اوي حقاني
اعمل عليه حملة فرّج
كل الخلايق واتشنج
ولا الشطارة علينا احنا
مع اننا ما اتبجحنا
تقوم علينا السما والارض
وتشتموا بالطول والعرض
وييجي شيخ ويكا يا ويكا
يغني دقي يا مزيكا
ارهاب تطرف وتشدد
دريم و أون ، محور ، عدد
وخد يمينك وشمالك
مطرح ما يوجع يجرالك
صبحني صبح عم الحج
ليه تنفعل اوي ليه تترج
اسلامنا مش لعبه يا خفة
عشان تفش وتتشفى
اسلامنا عزة وكرامة
وعدل احسان وسلامة
بطل تخرف يا معدل
يا دون وبس ومش هكمل
أبو أسماء الأزهريّ
كارم السيد حامد السرويّ
إمام وخطيب بوزارة الأوقاف المصرية
Abo-asmaa@hotmail.com
Aboasmaa20011@yahoo.com
قُلْ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ (26)....... اللهم أنت ربي لا إله إلا أنت خلقتني و أنا عبدك و أنا علي عهدك ووعدك ما استطعت أعوذ بك من شر ما صنعت وأبوء لك بنعمتك علي و أبوء بذنبي ربي اغفر فإنه لا يغفر الذنوب إلا أنت
ليست هناك تعليقات:
إرسال تعليق