فرعون و هامان
ملفات متنوعة
أضيفت بتاريخ : : 19 - 03 - 2011
نقلا عن : د.عبادة محمد سعيد , خاص بالموقع
فرعون قال لهامان أنا شعبي طلع له حس
هامان قاله اطمئن شعبك مابقاش يحس
ابنه قال لأ ياعمو ده مكتوب في الpress
وماما قالتلي إوعى حد لكرسيك يمس
رد هامان قال رقبتي فداك وابنك يا حس
بس انت اديني فرصة تلات ايام و بس
هامان قال لكلابه فرعون عامل حسابه
يالناس ترجع بيوتها يانتم عارفين عقابه
قالوله الناس كتيرة و ما عادش في ذخيرة
يالجيش يضرب معانا يا تفضوهالنا سيرة
الجيش قال دول ولادي وهما أمان بلادي
ولو فرعون هيزعل أقصاها هكون حيادي
قام الفكر الجديد قال دول حبة عبيد
خيل وجمال يدهسوهم ونخلص يبقى عيد
الطبال قال: فكرة حلوة والرقاص قال:أكيد
يسلم مخك يا صفوت ومنكم نستفيد
لكن ربك أراد نهاية للفساد
وفرعون شاف نهايته فسابه من العناد
وقال سيبوني أهرب فلوسي انا والولاد
ومش مهم الكرسي و طز ف الأمجاد
الشعب اللي انتفض وللرصاص صمد
هيسجن اللصوص ويطهر البلد
ومصر المؤمنة هتفضل آمنة
بيسجد أهلها للواحد الأحد
ويفضل حبها وعشق أرضها
في دم شعبها بيجري للأبد
تأليف/ د. عبادة محمد سعيد
مدرس أمراض الكبد والجهاز الهضمي
كلية الطب جامعة بنها
ليست هناك تعليقات:
إرسال تعليق